Flet Driton Selmanaj: Ja e vërteta për “aderimin” tim në LDK

20:03 | 12 Maj 2017
M. A.

Drejtori i Institutit Demokratik të Kosovës, Driton Selmanaj në një prononcim për Gazetën Blic ka hedhur poshtë lajmin se ai do të bëhet pjesë e LDK-së.

Nëpër portale po rrjedhin disa foto të Driton Selmanajt me deputetin nga radhët e LDK-së, Armend Zemaj, ku shihen duke biseduar prandaj kishte edhe një pikëpyetje se mos Selmanaj do t’i bashkohej LDK-së.

Mirëpo, ai ka hedhur poshtë këtë lajm, duke thënë se me Armend Zemaj janë thjeshtë miq, dhe se në momentin që ai do të vendos t’i bashkohet LDK-së do ta bëjë të ditur për të gjithë, raporton Gazeta Blic.

“Unë Armendin e kam pasur koleg në Fakultet sa kemi qenë, Armendin e kam mik e kam shok gjithçka përfundon këtu.

Në momentin kur vendosi më u bë pjesë e LDK-së, unë dalë në publik dhe e merrni vesh të gjithë”, tha ai.